CUTTING FREE – कटिंग फ्री

Product Highlights

ही एक अतिशय श्रीमंत, उच्चभ्रू कुटुंबात जन्मलेल्या पाकिस्तानी स्त्रीची विलक्षण कहाणी आहे. आयुष्यानं निरनिराळ्या टप्प्यांवर घेतलेली अनपेक्षित वळणं झेलताना लेखिका सलमा अहमद यांनी त्यांच्या बिझनेस, राजकीय कारकीर्द व कौटुंबिक जीवन यांबद्दल, यशापयश, भावनिक आंदोलनं यांबद्दल अतिशय प्रामाणिक व मनमोकळं कथन केलं आहे. सलमा अहमद यांच्या जीवनातले अतिशय उत्तुंग नाट्यमय क्षण वाचकाला रोमांचित करतात तर त्यांच्या जीवनातल्या अनेक काळ्याकुट्ट क्षणी त्यांनी दाखवलेलं विलक्षण धैर्य, चिकाटी आणि आत्मविश्वास स्तिमित करतो. सलमा अहमद यांच्या व्यक्तिगत आयुष्याबरोबरच या कथनातून उपखंडातील संस्कृती, तत्कालिन पाकिस्तानी समाज, सरंजामी जीवन आदींचेही विविधांगी पदर वाचकासमोर उलगडतात. बिझनेस व राजकारण या दोन्ही क्षेत्रांत ‘वूमन ऑफ सबस्टन्स’ ठरलेल्या सलमा अहमद यांचं हे विलक्षण अनुभवकथन वाचकाला एका निराळ्या विश्वाची व स्त्रीशक्तीच्या अफाट सामथ्र्याची ओळख करून देते.