English
Arabic
ASMANI – अस्मानी
₹240.00
Product Highlights
विज्ञानकथा’ हा प्रकार आता मराठीला नवीन राहिलेला नाही. अनेक वर्षं दुर्लक्षित राहिलेल्या विज्ञानकथेनं आता चांगलं बाळसं धरलं आहे. आज ज्ञात असलेल्या विज्ञानाच्या खांद्यावरून भविष्यातल्या शक्यतांकडे डोकावून पाहण्याचा प्रयत्न करणारा हा वाङ्मयप्रकार आता लोकप्रिय झालेला आहे. असं डोकावून पाहणं विस्मयजनक तर असतंच, शिवाय ते मनोरंजकही ठरतं. शुभदा गोगटे हे मराठी विज्ञान साहित्यातलं एक मान्यवर नाव. विज्ञानकथा, विज्ञानकादंबरी, विज्ञानलेख असे अनेक प्रकार त्यांनी समर्थपणे हाताळले आहेत. त्यांच्या अनेक कथांना व कादंबरीला विविध पुरस्कार मिळालेले आहेत. क्लोनिंग, कालप्रवास, यंत्रमानव अशा अनेक विज्ञान विषयांवरच्या त्यांच्या कथा या संग्रहात समाविष्ट आहेत.गवत खाऊन काम करणाऱ्या यंत्रमानवाची गंमत ‘बकाबक’मध्ये आहे, वंशशास्त्राच्या घोडदौडीत निर्माण होऊ शकणारी शक्यता ‘मार्जिनल्स’मध्ये दिसते तर कालप्रवासाचा उपयोग करणारे चोर-पोलीस ‘कालचतुराची चित्तरकथा’मध्ये भेटतात. भविष्यातल्या शक्यतांमध्ये संभाव्य मानवी भावभावनांचं चित्रण करणाऱ्या या कथा आहेत.
Description
ASMANI, WHICH LITERALLY MEANS `FROM THE SKY` ,IS A COLLECTION OF THIRTEEN SCIENCE FICTION STORIES BY RENOWNED WRITER SHUBHADA GOGATE. THE STORIES COVER VARIOUS SUBJECTS LIKE SPACE TRAVEL, GENETIC ENGINEERING, ALIENS,ROBOTICS, TIME TRAVEL ETC. THEY TELL US OF POSSIBLE SITUATIONS WHICH CAN ARISE OUT OF THE GALLOPING ADVANCEMENT OF VARIOUS BRANCHES OF SCIENCE, HUMAN RESPONSE AND EMOTIONAL INVOLVEMENT IN THESE SITUATIONS, AND POSSIBLE SOLUTIONS TO THEM.
Brand
SHUBHADA GOGATE
Birth Date : 02/09/1943
शुभदा गोगटे सुमारे पंचवीस वर्षे विविध साहित्य प्रसारांमध्ये विविध विषयांवर लेखन करीत आहेत. विज्ञान, इतिहास, गूढ, आरोग्य अशा अनेक विषयांमध्ये त्यांच्या कथा, कादंबऱ्या, लेख इ. साहित्य प्रकाशित झालेले आहे आणि मान्यता मिळवून गेलेले आहे. यंत्रायणी या त्यांच्या पहिल्याच विज्ञानकादंबरीला महाराष्ट्र सरकारचा सर्वोत्कृष्ट विज्ञान काल्पनिकेचा १९८३ चा पुरस्कार प्राप्त झाला होता. नॅशनल बुक ट्रस्टने सर्व भारतीय भाषांमधील उत्तम विज्ञानकथांच्या इंग्रजी भाषांतराचे संकलन प्रसिध्द केले; त्यात त्यांची वसुदेवे नेला कृष्ण ही गाजलेली कथा समाविष्ट केलेली आहे. भारतीय रेल्वेच्या पार्श्वभूमीवर असलेल्या त्यांच्या खंड्याळ्याच्या घाटासाठी या ऐतिहासिक कादंबरीला महाराष्ट्र साहित्य परिषद तर्फे दिला जाणारा सर्वोत्कृष्ट कादंबरीचा आणि गो.नी. दांडेकर पुरस्कृत मृण्मयी पुरस्कार मिळाले. त्याचाच पुढचा भाग असलेली दुसरी कादंबरी सांधा बदलताना हिला वाचकांचा चांगला प्रतिसाद लाभला आहे. आरोग्य विषयक लेखनामध्ये त्यांचे हृदयविकार निवारण हे पुस्तक अतिशय लोकप्रिय ठरले.
Reviews
There are no reviews yet.