ASHMAJEEV – अश्मजीव
₹240.00
Product Highlights
मुलभूत, आधुनिक, सैद्धांतिक तसेच क्लिष्ट विज्ञान जर का तळागाळातल्या लोकांपर्यंत पोहोचवायचं असेल तर विज्ञान कथा हे एक प्रभावी माध्यम आहे असे मानणा-या डॉ. संजय ढोले यांचा हा विज्ञान कथासंग्रह. त्यांच्या विज्ञान कथा वाचताना वाचक हा कथेच्या परमोच्च बिंदूवर आरुढ तर होतोच होतो, पण त्याच्या सोबतच त्याचं वैज्ञानिक प्रबोधनही होतं. ज्याचा फारसा विज्ञानाशी संबंध नाही अशा वाचकांनाही डॉ. ढोले यांच्या कथा गुंतवून ठेवतात. कारण त्या विज्ञानाच्या सहाय्याने रहस्यभेद करणा-या आहेत. या संग्रहात त्यांनी पेशी, अंतराळ, अतिसूक्ष्म तंत्रज्ञान, जैवतंत्रज्ञान, वनस्पती, शरीर, किरण अशा शास्त्रांच्या द्वीविध अंगांना स्पर्श केलेला आहे. म्हणूनच या कथा वाचतांना वाचकांचे मनोरंजन तर होईलच, पण त्यांची बौद्धिक पुर्तता होईल याची काळजीही त्या घेतात.
Description
THIS COLLECTION OF SCIENCE FICTION STORIES BELONG TO DR. SANJAY DHOLE, WHOSE INTENTION ITSELF IS TO POPULARIZE THE SCIENCE AMONGST THE COMMON PEOPLE AND READERS. HE FEELS THAT SCIENCE FICTION IS ONE OF THE EFFECTIVE MEDIUM TO COMMUNICATE AND PROPAGATE SUCH FUNDAMENTAL, MODERN, THEORETICAL AS WELL AS INTRICATE SCIENCE TO THE COMMON PEOPLE. WHILE, READING HIS SCIENCE FICTIONS, A READER HIMSELF GETS FOCUSED ON TO THE UTMOST OF THE STORY AND GETS SUFFICIENT SCIENTIFIC AWARENESS TOO. THOSE READERS WHO AT ALL NOT RELATED WITH THE SCIENCE, ALSO GET INVOLVED IN DR. DHOLE’S SCIENCE FICTION, AS THEY DIVULGE THE SECRETE/MYSTERY WITH THE HELP OF SCIENCE. IN THIS COLLECTION, DR. DHOLE HAS RAISED AND TOUCHED UPON VARIOUS ASPECTS, CONCEPTS AND ISSUES FORM DIFFERENT FACULTIES OF SCIENCE SUCH AS CELL BIOLOGY, SPACE, NANOSCIENCE, NANOTECHNOLOGY, BIOTECHNOLOGY, BOTANY, ANATOMY, RADIATION, ETC. DR. DHOLE’S SCIENCE FICTIONS NOT ONLY ENTERTAIN, BUT ALSO TAKE ENOUGH CARE TO UPDATE THE KNOWLEDGE OF THE RESPECTED READERS.
Brand
DR.SANJAY DHOLE
Birth Date : 06/11/1965
पुणे विद्यापीठातून भौतिकशास्त्र विषयात पीएच.डी. व सध्या विद्यापीठाच्याच भौतिकशास्त्र विभागात प्राध्यापक म्हणून कार्यरत. न्यूक्लिअर, प्रवेगक, किरण, स्मृतिपटले, अर्धवाहक पदार्थ, निर्वाहक पदार्थ, स्फटिके यांसारख्या भौतिकशास्त्रातील उपशाखांमधून संशोधन सुरू. संशोधनानिमित्त विविध देशांमध्ये वास्तव्य व तेथील नामवंत संशोधन संस्थांशी आणि विद्यापीठांशी देवाण-घेवाण. पीएच.डी. (१९) व एम. फिल. (११)च्या विद्याथ्र्यांना मार्गदर्शन; शिवाय आठ विद्यार्थी पीएच.डी.साठी कार्यरत. तसेच विविध राष्ट्रीय व आंतरराष्ट्रीय नियतकालिकांमधून १०० हून अधिक संशोधनपेपर प्रकाशित. शैक्षणिक पुस्तकातही लेखन सहभाग. सध्या इंडियन फिजिक्स असोसिएशन (पुणे चॅप्टर)चे अध्यक्ष. जनसामान्यांमध्ये विज्ञानाचा प्रसार करण्यासाठी विविध वर्तमानपत्रे, नियतकालिकांमधून २०० शास्त्रीय लेख प्रसिद्ध. तसेच आकाशवाणीवरून नाते निसर्गाशी व अणूपासून ताऱ्यापर्यंत या मालिकेअंतर्गत शास्त्रीय श्रुतिका व नभोनाट्य प्रसारित. शैक्षणिक संस्था व महाविद्यालयांमध्ये शास्त्रावरील व्याख्याने. विविध वर्तमानपत्रे आणि दिवाळी अंकांमधून ९०हून अधिक विज्ञानकथांचे लेखन. प्रतिशोध व प्रेमाचा रेणू आणि अश्मजीव नावाचे विज्ञानकथासंग्रह प्रसिद्ध. मराठीतील विज्ञानकथा, दरवळ, मोहर, यांनी घडवलं सहस्रक यांसारख्या संपादित प्रकाशनात सहभाग. अंतराळातील मृत्यू या विज्ञानकथेचा पुणे विद्यापीठांतर्गत येणाऱ्या महाविद्यालयीन अभ्यासक्रमात समावेश, प्रेमाचा रेणू या विज्ञानकथा संग्रहाचा पुणे विद्यापीठाअंतर्गत येणाऱ्या एम.ए.च्या अभ्यासक्रमात (शैक्षणिक स्वायत्तता) समावेश. सोन्याची खाण या विज्ञानकथेस अखिल भारतीय बाल-कुमार साहित्य संमेलनातर्फे दिला जाणारा गोपीनाथ तळवलकर उत्कृष्ट कथा पुरस्कार (२००५), र. धों. कर्वे, ललित विज्ञान वाङ्मयीन पुरस्कार प्रेमाचा रेणू या विज्ञान कथासंग्रहास (२००८). महाराष्ट्र सेवा संघ, मुलुंड संचालित न. चिं. केळकर ग्रंथालयाचा साहित्य साधना पुरस्कार प्रेमाचा रेणू या विज्ञानकथा संग्रहास (२०१०). अश्मजीव या विज्ञानकथा संग्रहास संत तुकडोजी महाराज ललित विज्ञान वाङ्मय पुरस्कार, (२०११). मराठीतून विज्ञान प्रसारासाठी इंडियन फिजिक्स असोसिएशनतर्फे मो. वा. चिपळोणकर पुरस्कार (२०१३). महाराष्ट्र साहित्य परिषद, पुणेतर्फे विज्ञानविषयक लेखनासाठी गो. आ. परांजपे विशेष ग्रंथकार पुरस्कार, (२०१५).

Reviews
There are no reviews yet.