SUVARNA DHOBALE

सौ. सुवर्णा रमेश ढोबळे यांनी एम.ए., बी.एड्. आणि बी.जे. देखील केले आहे. वसंत, माहेर, मेनका, गृहशोभिका अशा अनेक मासिकांतून त्यांच्या चाळीसच्या वर कथा प्रसिद्ध झाल्या आहेत. त्यांची मुहूर्त ते औक्षवंत व गान पाऊस ही दोन पुस्तकेही प्रकाशित झाली आहेत. औरंगाबादच्या नभोवाणी केंद्रासाठी त्यांनी कथा, संगीतिका, श्रुतिका, रूपके, प्रवासवर्णनपर लेख इ. प्रकारचे लेखन केले आहे. तसेच दै. मराठवाडा, तरुण भारत, लोकमत, दै. सकाळ आदी वृत्तपत्रांमधूनही त्या नियमितपणे लेखन करतात. वसंत मासिकाचा कै. पद्मावती देशपांडे पुरस्कार व दक्षता मासिकाचे दोन पुरस्कार सौ. सुवर्णा ढोबळे यांच्या नावावर आहेत.