प्रा. डॉ. म.बा. कुलकर्णी यांचे शिक्षण एम.ए.(संस्कृत), एम.ए.(मराठी), पीएच. डी (संस्कृत), बी.एड. असे झालेले आहे. त्यांनी काही वर्षे पत्रकार, माध्यमिक शिक्षक म्हणून काम केले. त्यानंतर दहा वर्षे रत्नागिरीच्या गोगटे कॉलेजात व एकवीस वर्षे नाशिक गोखले एज्युकेशन सोसायटीच्या कॉलेजांमध्ये पदवी व पदव्युत्तर विभागांतून ते मराठी व संस्कृत या विषयांचे अध्यापन करीत. त्यांनी यशवंतराव चव्हाण मुक्त विद्यापीठात पीएच डी(संस्कृत) साठी मार्गदर्शक म्हणून काम केले आहे. प्रारंभी सा. विवेकमधून व नंतर नाशिक येथील अमृत मासिक, तसेच दै. गावकरी, दै. लोकमत इत्यादी नियतकालिकांमधून त्यांनी विविध विषयांवर लेखन केले आहे. डॉ. कुलकर्णी यांची उपनिषदांतील कथा, पराक्रमी युवक : अनंत कान्हेरे, नव्याने रामकथा गाऊ, मनू आणि स्त्री, व्यावहारिक शहाणपणासाठी ३०१ सुभाषिते, सोन्याचा पाऊस (बालकथा) ही पुस्तके प्रकाशित झाली असून त्यांनी मुक्त विद्यापीठासाठी काही पुस्तकांचे लेखन व संपादनही केले आहे. त्यांनी अनेक ठिकाणी रामायण व महाभारत या विषयांवर व्याख्याने दिली आहेत.
English
Arabic
